Бисера
Чадловска

Биографија

Авторитет што не бара спектакл. Прецизност исполнета со емоција.

Бисера Чадловска е родена во Скопје. Во 2001 година дипломира оркестарско диригирање на Факултетот за музичка уметност, во класата на проф. Фимчо Муратовски. Постдипломските студии по симфониско и оперско диригирање ги завршува на Државната музичка академија „Панчо Владигеров“ во Софија, во класата на маестро Пламен Ѓуров.

Професионалниот ангажман во Македонската опера и балет го започнува во 2002 година. По работата како хор-мајстор и асистент диригент, во 2005 година ја диригира својата прва премиера — „Таен брак“ од Чимароза, на фестивалот „Скопско лето“. Во 2006 година станува главен диригент, а од 2017 до 2020 година е уметнички раководител на Операта.

Нејзиниот репертоар опфаќа повеќе од 50 оперски и балетски дела, симфониски концерти, премиерни изведби и дела од македонски автори. Соработувала со оркестри и оперски куќи во Македонија, Бугарија, Босна и Херцеговина, Србија и Романија, а предава и на Факултетот за музичка уметност во Скопје.

„Секоја нова партитура е нов предизвик.“